We are leading Govt. educational institute in the city providing education to youth at nominal fee.
About Us
پرنسپل کا پیغام۔
عزیز طلبہ و طالبات !تعلیم ایک ایسا روشن ستارہ ہے جس سے نہ صرف دل ودماغ منور ہوتے ہیں بلکہ انسان کا حال اور مستقبل بھی تاب ناک ہو جاتے ہیں۔یہی وہ کاروبار ہے جس میں کبھی کسی کا نقصان نہیں ہوا۔اگر علم ،علمی سرگرمیوں اور تعلیم کی اہمیت نہ ہوتی اور ملک و قوم کے ہر فرد کو اس کی ضرورت نہ ہوتی تو دنیا کے کسی بھی ملک میں تعلیمی ادارے اور یونی ورسٹیاں نہ بنائی جاتیں۔تعلیم حاصل کر کے آپ خوش حال ہوتے ہیں لیکن اس خوش حالی کے اثرات آُپ کے خاندان،آپ کے شہر،آپ کے ملک اور پوری قوم پر پڑتے ہیں۔علم اور تعلیم کے اسی ہمہ گیراور روشن پہلو کو نمایاں کرنے کے لیے گورنمنٹ گریجوایٹ اٹک حکومتِ پاکستان اور بالخصوص حکومتِ پنجاب کا ہاتھ بٹا رہا ہے۔حکومتِ پنجاب کی تعلیمی سرگرمیوں میں حوصلہ افزا خصوصی دل چسپی دیکھتے ہوئے گورنمنٹ گریجوایٹ کالج اٹک نے بھی اپنے دائرہ کار سے نکل کر تعلیم کی روشنی کو عام کرنے کا مشن جاری رکھا ہوا۔
ہمارے طلبہ و طالبات بورڈ اور یونی ورسٹیوں میں نمایاں پوزیشن لے کر اپنا،اپنے والدین اور کالج کا نام روشن کر رہے ہیں۔ہمارا کالج نصابی و ہم نصابی سرگرمیوں میں پنجاب بھر میں عمدہ شہرت رکھتا ہے۔گذشتہ سال جتنی تعداد میں ہمارے کالج کے طلبہ و طالبات نے سکالرشپ حاصل کی وہ پورے ڈویژن کے اجتماعی تعداد سے بھی زیادہ تھی۔صوبہ پنجاب کے وزیر تعلیم نے اپنے پیج پر صرف گورنمنٹ کالج اٹک کے اساتذہ اور طلبہ و طالبات کی تصاویر لگائیں جو ہمارے لیے بہت بڑا اعزاز ہے۔ہمارے علمی معیار کی فضیلت کی وجہ یہ ہے کہ ہماری سائنس لیبارٹریز فعال ہیں۔ہماری کمپیوٹر لیب جدید تقاضوں سے ہم آہنگ ہے۔ہمیں فخر ہے کہ ہمارے کالج میں پی۔ایچ۔ڈی اور ایم۔فل سطح کی تعلیمی قابلیت رکھنے والے مایہ ناز اساتذہ پڑھا رہےہیں اور پڑھانا جانتے بھی ہیں۔
کالج کاتعارف وتاریخ
گورنمنٹ گریجوایٹ کالج،اٹک کا شمارملک کے ممتاز اور تاریخی تعلیمی اداروں میں ہوتا ہے ۔یہ پاکستان کا واحد تعلیمی ادارہ ہے جو بالترتیب پرائمری،اسکول(۱۹۰۴ء)،مڈل اسکول(۱۹۰۸ء)،مڈل سٹینڈرڈ ٹیچرزٹریننگ نارمل اسکول سکینڈری اسکول (۱۹۱۲ء)،انٹرمیڈیٹ (۱۹۲۴ء)پوسٹ میٹرک کلیریکل اسکول(۱۹۳۹ء)اور ڈگری کالج(۱۹۴۲ء)سے ترقی کرتا ہوا ، ۱۹۹۲ء میں پوسٹ گریجوایٹ کالج بنا۔۲۰۲۱ء میں پنجاب میں نئی تعلیمی پالیسی کے تحت بی۔ ایس پروگرام کے حامل کالجوں کو گریجوایٹ کالج قرار دے دیا گیا۔چناں چہ کالج ہٰذا، گورنمنٹ گریجوایٹ کالج اٹک ہوگیا۔
اس کالج کو یہ بھی اعزاز حاصل ہے کہ ۲۴۔مارچ ۱۹۴۰ء کو کالج میں ایک احتجاجی جلسہ منعقد کر کے اٹک سے تحریک پاکستان کا آغاز کیاگیا۔ ۱۹۲۴ء میں جب ـــ’’گورنمنٹ انٹر کالج،کیمبل پور ‘‘کا قیام عمل میں آیا تو اس کے پہلے پرنسپل مرزا محمد محسن تھے۔جب انٹر کالج کو ’’ڈگری کالجـ‘‘کا درجہ ملا تویہاںمعروف کرکٹر ماجد خان کے والدڈاکٹر محمد جہانگیر خان کا تقرر پرنسپل کی حیثیت سے ہوا،ڈاکٹر محمد جہانگیرخان انگریز دور میں متحدہ ہندوستان کرکٹ ٹیم میں کھلاڑی کی حیثیت سے کھیل چکے ہیں ۔
پروفیسر محمد افضل کو پوسٹ گریجوایٹ کالج اٹک کا پہلا پرنسپل ہونے کا اعزازحاصل ہے۔ اس طرح یہاں انگریزی،ریاضی، اکنامکس، کیمسٹری ، اور فزکس کے شعبوں میں ایم۔اے /ایم ۔ایس ۔سی کی سطح پر تدریس جاری ہوئی۔نیو سائنس بلاک،قائد اعظم ہال ، لائبریری کی عمارت اور نیو ہاسٹل سابق پرنسپل لیفٹیننٹ کمانڈر ظہور احمد کی مساعی کا نتیجہ ہے۔سابق پرنسل پروفیسر محمد اسماعیل کی ذاتی دل چسپی اور شوق نے کالج کو ایک خوب صورت مسجد سے نوازاجب کہ سابق پرنسپل پروفیسر نسیم احمدکے زمانے میں کالج لائبریری سے ملحقہ نیو بلاک تعمیر ہوا۔کالج لائبریری کا موجودہ بلاک کالج کے سابق طالب علم لیفٹیننٹ جنرل عبدالعلی ملک کی کو شش کا ثمر
ہمارامشن
اپنے طلبہ کوایسی معیاری تعلیم فراہم کرنا جوانکی کامل شخصیت سازی میں معاون ہو، انھیں ذمہ دار۔دیانتدار اور محب وطن شہری بنائے۔یوں ہمارے طلبہ وطالبات نہ صرف ملک وقوم بلکہ پوری انسانیت کی خدمت کےجذبے سے سرشار ہوکردنیا کےلئےمشعل راہ بن جائیں
ہماراوژن
ہم مذہب اورسائنس کی ہم آہنگی پرمکمل یقین رکھتے ہیں۔اسی یقین کوپیش نظررکھتے ہوئے اپنے طلبہ وطالبات کوسرسید کےنقش قدم پرچلتے ہوئے جدید سائنسی اصولوں کے مطابق ایسی تعلیم اورایسی تربیت کریں گے کہ ۔۔۔ فلفسہ ان کے دائیں ہاتھ،نیچرل سائنس بائیں ہاتھ میں اورسر پہ لاالہ الااللہ محمدالرسول اللہ کاتاج ہوگا
